شكتب قصيدة

شكتب قصيدة وسجلتهه بوسط كلبي
حتى ابين معنى حبي
ولان كل همي الشباب وسالفة روحي وقضيتي خليتهم شمعه على دربي
مانريد الشاب خمامل انريد نبني بهمته كل التهدم
انريده مثل النهر كون ايشق طريقة وكون كل همه التقدم
انريد عنوانه الدراسة والتعلم
انريدة يدرس حتى يعرف للجواب بيوم يسأل
وكون مايرضه يعيش بعيشة الذل
انريده مثل الجبل ثابت مايهم بالعاصفة وهيهات يختل
انريده مثل النخل شامخ مايذب اوراقة لو حل الخريف
وكون هم الشاب مو بس الرغيف
كون من يوكف يغير مثل ماغير حسين بكربلاء
ومثل ما عباس ذب اجفوفه من اجل الوفاء
ومثل ما سارت قوافل شهداء
انريد مثل الشمري عبد الغني لمن يألف(هكذا نبدأ)
ولكن كون يكتب هكذا نبني العراق
وترتوي كاع العراق بدم شهيد وبيه تخضر وردة الحب والسلام
ويرتفع صوت الشهيد ويضل يصدح للانام
موطني موطني
موطني موطني
آنه لجلك قدمت روحي هدية لجل تبقه ولجل تبقه الناصرية
روحي جانت نذر لجلك
وحنه كلنه نموت لجلك
ويمسح ادموعه التسيل بجف امام
ايكول ياشعب العراق بعد ما خلصنه من ذلك الظلم والعفلقية
انريد نصبح سيف واحد
سيف واحد يكص جف الطائفية
ياشباب هذا ما راده الشهيد ياشباب هذا ما راده الشهيد
ايريد ياطلابنه لجل الوطن نوكف سوية

؛؛؛؛؛ملاحظة؛؛؛؛؛
عبد الغني شكر الشمري هو احد الشهداء الابرار البارزين في ذي قار
وهو المفكر الاسلامي صاحب كتاب هكذا نبدأ وعلى هامش الثورة وعقيدتنا وكلها مطبوعة ما عدا كتاب في اللغة وشؤنها لم يحضرني اسمه بالضبط كذلك هو احد التربويين اللامعين في سماء التربية والتعليم
رحم الله شهداؤنا الابرار
ونسال الله ان يوفق طلاب العراق الى التألق الدائم
تحياتي لكم


هذا شعر لابن ذي قار الشاعر والاعلامي
قاسم الساعدي