مطاردة شعرية بالابوذية

السلام عليكم ورحمة الله

أغلب المنتديات تحتوي على موضوع المطاردة الشعرية وتكون اما بالفصيح او بالشعبي بأنواعه

لاكن ارى ان اجملها المطاردة بالابوذية

وهي عبارة عن مشاركة عضو ببيت ابوذية ويرد عليه من عضو أخر بنفس المعنى او بجواب قريب على الابوذية

مثال مطاردة بين شاعر الابوذية الكبير ابو معيشي وصديقه الشاعر ثامر الحمودة

يقول ثامر الحمودة


رماني الدهر وأنصبلي بچالاي
وكلمن ينظر لحالي... بچالاي
صرت شجرة يبو معيشي .. بچالاي
يهزني الريح من يگبل عليه

فأجابه ابو معيشي

رماني الدهر وأنصبلي بچالاي
وحتى البلمهد يرضع .. بچالاي
إن چان إنته صرت شجرة ... بچالاي
أنه چالي وملَّط الروج بيهَّ

أرجوا ان تكون مطاردتنا ممتعة وجميلة ومفيدة

نبدأ بالمطاردة

سأبدأ حيث انتهى الشاعر ابو معيشي وهذا اخر ما قاله من الابوذية


عرف بجروح جبدي صدعني
صد ليه حكيمي صد عني
يروحي اصفي البيابي صدعني
احجيلي ابرفجه الجناز اليه

انتظر الرد

سلمت يداك موضوع المطاردة جميل


زماني جرد سيوفه وسنهه
وعليه اوحرمت عيني وسنهه
ووحك اللي فرض خمسة وسنهه
بعد هيهات عيش يصير اليه

نورتي المطاردة نور الهداية


منو مثلي حمل لوعات من شال

واخذ كلبي عزيز الروح من شال

صفيت اطريح بس فراش منشل

بسبب فركاك يلمبعد علية